السلام عليكم ورحمة الله وبركاته ..
صباح الخير عليكم جميعاً ..
أولا ً أحب أشكركم على المنتدى الرائع والمفيد .. وأنا قريت كثير من المواضيع الممتااااازة في منتداكم ..
لكن عندي سؤال في الاكسل إذا في أحد يقدر يساعدني .. انا حابه أستعمل دالة IF لكن هل أقدر أخليها يكون فيها أكثر من معطى يعني IF مرتين .. يعني لو قلنا بلهجة عامية .. إذا كان كذا أو كان كذا يعني IF مرتين .. بحيث اننا نقول IF or IF ..
أو في حاله ثانية هل أقدر أستخدم الدالة IF في رنج معين على أساس معطيات موجودة عندي في جدول..
يمكن ماقدرت أوصل معلومتي .. بس هذي مشكلتي موب عارفه اشرح ..
انا باقولكم شنو حابه اسوي بالضبط على الاكسل ..
انا عندي عموود فيه معطيات بالشكل التالي :
لنفرض ان اخر رقم اللي هو عشرين هو المتوسط للارقام الموجودة في الجدول ..
اللي ابي اسويه اني ابي اطلع نسبة مئوية أقيم فيها الارقام الموجودة نسبة للمتوسط ..
بحيث أني أقول إذا كان الرقم يساوي 20 أو 20 زائد واحد أو 20 ناقص واحد راح أعطيه نسبة عشرة في المية .. أو اذا كان غير كذا اعطيه نسبة صفر في المئة ..
يعني انا خليت رنج اشوي في المتوسط وسعته شوي عشان تكون دراستي منطقية أكثر ..
طبعاً عشان أعطي فكرة أكبر عن دراستي هذي في اكثر من عمود طبعاً اجمع النسب أفقيا عشان في الأخير أحصل على نسبة من مئة ..
أتمنى أكون وفقت في الشرح ..
ولكم جزيل الشكر والتقدير ..
بنت قطر
